SUMT ÞVÆRÐU EKKI AF ÞÉR

Eitt af verstu okum allra þjóða eru mannleysurnar. Engin þjóð losnar við að geta af sér skaðleg afkvæmi og er böl af þeirra völdum með ólíkindum mikið. Sumir menn  eru nánast andleg afskræmi og gegnir furðu hve lög landsmanna eru þeim hliðholl í samanburði við það sem snýr að heiðarlegu fólki. Nýtur og ábyrgur þegn sem skilar vel til þjóðfélagsins, getur lent í stórvandræðum og peningaútlátum vegna stöðumælasektar eða fyrir að vera degi á eftir með skattaskýrslu. Hinsvegar eru svo vesalings ræfils ólánsmennirnir, eins og úrræðalaus stjórnvöld kalla gjarnan þá sem þau ráða ekki við og geta nær óheftir nauðgað, barið og rænt samborgara sína. Heiðarlegu fólki er refsað fyrir smávægilega gleymsku og verður því að vera á sífelldum verði gagnvart glæpahyski, eigna og peningasöfnurum, bönkum og valdhöfum. Það er sorglegt að skynsöm þjóð skuli forgangsraðar verkefnum með svo undarlegum hætti sem okkar. Það má rekja til glámskyggnra þingmanna, því með lögum skal land byggja. Ég ætla til dæmis ekki að ræða dauðagildrurnar sem einbreiðu tvíátta vegirnir og brýrnar eru, eða um rándýr göng á fáförnum leiðum. Eftirlaunalögin ekki heldur né vöntun á fangelsum og þjálfunar- og vinnubúðum fanga. Nei, hér vek ég athygli á skömm þeirri og skaða sem handónýt lög lélegra þingmanna eru ennþá að valda þjóðinni. Lög þessi eru um hvað má og hvað ekki og eru það sem lögreglan hefur til að styðjast við til varnar almenningi gegn ört vaxandi glæpahyski. Það þarf að leita til almennings til að hjálpa krabbameinsveikum börnum og andlega veiku fólki, á sama tíma og mulið er undir forherta glæpamenn og sumum þeirra dæmdar bætur vegna klúðurs og lélegra laga. Verstu glæpirnir eru þeir sem beinast að börnum og nauðgun kvenna, en unglæknar hafa fjallað um nauðgun og afleiðingar með setningunni SUMT ÞVÆRÐU EKKI AF ÞÉR. Nauðgarar eiga aldrei að geta þvegið níðingsverkið af sér. Ég legg til að Stígamót eða sambærileg stofnun verði styrkt til að framleiða kort sem fórnarlömb og aðstandendur þeirra geta keypt og sent nauðgurum árlega þangað til þeir viðurkenna níðingsverkið og iðrast opinberlega. Kortin eiga að mynna níðinginn á illvirkið og afleiðingar þess og vera liður í baráttunni. Best væri að hafa tvær gerðir korta, þannig að hægt væri að senda forvarnarkortin til viðeigandi hóps. Ég treysti fagfólki til að hanna kortin á áhrifaríkan hátt, en nauðsynlegt er að þar komi fram munur þeirra og að nauðgarar þurfi geðhjálp. Nú þegar verslunarmannahelgin er að líða, bæla mörg fórnarlöm nauðgara sig og hugsa með hryllingi til þeirrar skelfingar sem þessi helgi bar með sé inn í líf þeirra. Þær sem urðu fórnarlöm níðingana geta aldrei þvegið óþverann af sér frekar en illmennin. Fyrir nokkrum árum treysti ung og efnileg stúlka sér ekki til að lifa eftir að dómar gengu nauðgara hennar í hag og framdi sjálfsmorð. Önnur varð viðskila við kærasta sinn og var nauðgað af hópi ungra manna. Hún truflaðist á geði og níðingarnir sluppu. Ónefnd kona þekkir til tveggja nauðgara sem dómarar sáu ekki við og sagðist  mundu kaupa slík kort hverja verslunarmannahelgi og senda þeim báðum. Ég er sannfærður um að slík kort hefðu fyrirbyggjandi áhrif, því ólíklegt er að nauðgarar njóti þess að vera myntir á níðingsverk sín. Kortin gefa líka fórnarlömunum tækifæri til að létta á ógnarbyrði nauðgunarinnar með því að senda kvölurum sínum kortin árlega. Næstum allt á að vera leyfilegt gagnvart þeim óþverum sem nauðga. Allt væl þeim til málsbótar er viðkomandi til skammar.

 

Albert Jensen trésmíðameistari

Sléttuveg 3           5-8-07  til Fréttablaðsins

  

BRÉF TIL EINSTÆÐRAR MÓÐUR

 

ORÐ TIL ÞÍN Í VÍSUM VORU                        

VARLA TIL AÐ BÆTA NEITT.                       

SJÁ MIG ÞJÁIR, HÁLFT Í HVORU               NÚ ER GRÆÐGIN VALDI VÆDD

HEILSULEYSI YFIRLEITT.                           VERÖLDIN Í HÆTTU

                                                                      HETJU ÞJÓÐIN ORÐIN HRÆDD

BÓNUS LJÁIR VINAN VÆN                         ÖNGVIR HENNAR GÆTTU.        

VIRÐING UNDIR MÖRKUM

GRÓÐA ÖFLIN KLÁR OG KÆN                    HEIÐARLEIKINN HORFINN ER

KNÝJA ÞRÆL MEÐ SPÖRKUM                    HUGPRÝÐI SKAL FELA  

                                                                        ER ÞAÐ VÍST, AÐ KJÓSUM VÉR,

LANGAN TÍMA VIN AÐ VELJA                       AÐ VAFRA UM OG STELA?

VÖL ER SJALDAN MÖRGUM Á                        

ALDREI ÞÍNA SÁL MÁTT SELJA                       Slæmt er ef satt er, ágæta Elfur   

SPILLTU GULLI BÆGÐU FRÁ                           Í þetta skipti ert það þú, mér   

                                                                            lítt kunn stúlka sem ég kýs að

EINSTÆÐ MÓÐIR, MIKILVIRK                           heyri og sjái hvernig karl á                                  

MEGI FLEIRI SKILJA                                          síðasta skeiði æfi sinnar fær

HENNAR LÍF OG HENNAR STYRK              útrás fyrir sígilda þörf alþýðumannsins   

HENNAR FÓRN OG VILJA                            til að tjá sig. Lestu Jónas Hallgrímsson

                                                                        og fleiri öndvegis ljóðaskáld og leitaðu          

ÞÚ ERT HUGA GÓÐUM GÆDD                 eftir öðru en því sem glepur og glansar.

GRÆÐIR SÁR OG HUGGAR                         Þú sagðir mér frá óförum Kollu og            

ALDREI ERT SVO SORGUM MÆDD             Guðbjargar. Kannski voru þær fleiri

AÐ FÓLKI BURTU STUGGAR                        vinkonurnar sem eitrið elti. Sorglegt

                                                                      þegar mannkostum er fargað fyrir fánýti.

EINSTÆÐ MÓÐIR ÞREYTT OG ÞJÁР           Enn er val fyrir alla, en svo það nýtist         

MÖRGU ÞARF AÐ SINNA                                þarf að fræðast og fylgjast með.          

VIRÐIST FRÖKK, ER ALDREI FJÁР               Fyrir suma er það leiðinlegur óþarfi,   

SKILJA FÆSTIR HINNA.                         en stundum þarf að gera fleira en gott þykir.

                                                                Flestir vita að allir stjórnmálaflokkarnir eru         

ÞÉR NÚ ALBERT BÝÐUR BÆTUR           óheiðarlegir og því úr slæmu að velja og

BETRA SEINT EN ALDREI GERT              nauðsyn að vita hver þeirra er minnst

TIL ÞÍN VONDAR VÍSUR GRÆTUR           spilltur. Ef þú gerir þér ekki grein fyrir  

VILL AÐ GLÖÐ ÞÚ ALLTAF SÉRT.             mikilvægi náttúrulegs umhverfis og því 

                                                                      sem er að gerast í þeim efnum, er

MEÐAN MORGUN DÖGGIN GRÆTUR          mál að vakna og huga að því sem

MÆÐUR VAKNA BARNA TIL                          framundan er. Það hefur sýnt sig að  

BARNIÐ LJÚFA HUGGAST LÆTUR        hættulegt er að láta misvitra alþingismenn

ÆÐRA LÍF NÚ BETUR SKIL                     og gráðuga auðjöfra komast óáreitta upp

                                                        með að hlunnfæra þjóðina. Orsök skammarlega

FAGRA VERÖLD ÞRÁUM VIР         lágra launa þinna eru heimskir eða svikulir

VONDIR TÍMAR NÚNA              þingmenn í bland við taumlausa græðgi og siðleysi 

ÞJÓÐIN LÝTUR LJÓTUM SIÐ     þeirra sem rembast með klækjum við að eignast

LÆTUR FRÁ SÉR TRÚNA       Ísland með fólki og auðlindum og því mál að vakna.

 

                                                Albert Jensen 17-9-07

 

1-10-07

Tvær aðdáunnar verðar konur komu hér við frá sinn hvoru múslimalandinu.

Fyrrum múslimi, Maryam Namazie er frá Íran og kom til að vara okkur við að sofa á verðinum gagnvart múslimum. Hún segir mannréttindi fótum troðin í fyrrum heimalandi sínu og konum þröngvað til að bera slæðu og skósíðan fatnað, jafnvel búrka og veit þá engin hvort þar er karl eða kona. Konur ráða ekki ferðum sínum og eru myrtar af feðrum eða bræðrum ef þær óhreinka æru fjölskyldunnar. Það fer eftir duttlungum föður eða maka hvort hún fær að læra og yfir höfuð hvort hún fær nokkuð að sinna því sem hana langar til. Hin konan er sómalski rithöfundurinn Ayaan Hirsi Ali en hún er heimsþekkt fyrir baráttu sína gegn kvennakúgun í menningarheimi íslams. Hún nýtur stöðugt lögregluverndar vegna morðhótana ofstækismanna. Mig langar að upplýsa betur um gildi varnaðarorða þessara fórnfúsu og einstaklega hugrökku kvenna og mun vitna í þær öðru hvoru. Ég mun halda áfram að láta mér ekkert mannlegt óviðkomandi og gera það þó ég þurfi að vekja upp gamla drauga mér til aðstoðar.         

30-9-07

Í vorveðri á sunnudegi fliktust gamlingjar og fatlaðir úr öllum áttum til borðhalds í hús aldraðra no 59 við Lindar.  Í blómlegri sláturtíðinni gerðu blessaðir sakleysingjarnir ráð fyrir að í auglýstum rétti yrði nýtt lambakjöt í karrísósunni. Það var skrítin svipur sem kom á mannskapinn þegar hann fór að tönglast á ólseigu samanpressuðu afgömlu rúllukjötinu. Aldur þessa matar var all óræður, en mál manna var að eitt ár væri algjört lágmark. Í sjálfu sér er ekkert sem á að koma þessum sérstæðu neytendum á óvart. Þeir eru búnir að lifa sitt fegursta, njóta og bruðla og eiga að hafa vit á að þakka fyrir matinn þó þeim þyki hann ekki góður. Þeim ferst að setja upp svip, alvön basli og bágindum. Einhverjir verða að borða gamla kjötið úr búðarborðunum og gamlar umframbyrgðir. Engum vinnandi manni kemur til hugar að kaupa það. Á bara að henda því? Aldraðir verða öngvir hvítvoðungar þó þeir gangi í barndóm og verða að hætta að tala um að þeir séu nýttir eins og sorptunnur.         

Skrár tengdar þessari bloggfærslu:

• 30-9-07

ÞJÓÐ SEM KANN EKKI AÐ HRÆÐAST

Skrítið með okkur íslendinga hvað við þurfum alltaf að vera mestir í öllu og skiptir þá engu hve vitlaust það er. Eftir að við sögðum Írac stríð á hendur erum við taldir með hugrökkustu þjóðum veraldar, eða þeim heimskustu. Ég hef aldrei fengið á hreint hvort heldur er. Stríðið sem um ræðir er öðruvisi en önnur fyrir þau undur að mestu herveldi veraldar unnu það á fáum dögumu og töpuðu því svo meðan þau voru að koma sér fyrir. Undarlegast var þó að eftir að stríðinu lauk fóru þegnar þess að drepa hvorn annan í stórum stíl. Mynnir á Írland nema íracar eru stórtækari og láta sig engu skipta hvort börn og konur fylgi með í morðunum. Ágætu landar, þar má sjá hvað trú, olía og valdafíkn eru eldfim. Í því samhengi mynni ég á að nú droppar upp fyrrverandi starfsmaðu biskupsstofu og vill sameina alla kristna undir vald páfa. Þetta hlýtur að vera afburða vitur maður eða hugrakkur. Hugsið ykkur valdið sem páfi einn allra hefur. Hann er samkvæmt kristinni miðaldatrú valdhafi Guðs á jörðu og getur gefið prestum sýnum leyfi til að létta syndum af þeim sem skrifta. Engin er undan skilin. Þessi jarðbundna trú gefur hinum verstu skálkum tækifæri á að kaupa sig inn í himnadýrðina. Við slíkar aðstæður gætu morð og meiðingar verið viðskipti. Með takmarkaðri virðingu fyrir þeim trúarbrögðum sem gera upp á milli karls og konu og mismunandi þjóðfélagsstétta, þakka ég fyrir okkar látlausu Lútherstrú sem svo lengi hefur fylgt þjóðinni. Reyndar settu prestar fyrri alda svartan blett á hana og nokkrir í nútímanum ekki trúverðugir. Það þarf að lyfta trúnni á hærra plan og gera hana líflegri og skemtilegri. Til dæmis má  virkja ungt fólk og unglinga, jafnvel börn og bjóða utanaðkomandi kórum og tónlistarfólki að taka þátt í helgihaldi. Drungan burt og fólk hættir að flýja út í óvissuna. Það þarf mikið hugrekki til að kjósa Framsóknarflokkinn, viti fólk á annað borð um verk hans og hugsjónir. Fyrir það fyrsta stefnir hann að því að gera Ísland að mesta vatna-eða fenjasvæði Evrópu og að hvergi í veröldinni verði meirri álframleiðsla og mengun. Hann er með Sjálfstæðisflokknum búinn að koma helstu auðlindum þjóðarinnar í hendur einkaaðila og hefur selt verðmætustu eignir hennar á gjafvirði. Utan Sjálfstæðisflokks, hefur engin verið þeim sem erfiðast eiga jafn fjandsamlegur.Hann þykist vera vinur hinna vinnandi stétta, en er eitt ömurlegasta fyrirbrigði íslenskra stjórnmála og engum trúr. Það er kjarkaður ráðherra sem þorir að segja Björgólfi Thór Björgólfssyni að þjóðin vilji sjálf ráða hvort krónan víkur fyrir hagsmunum hans eða ekki. Hinnvegar er ég óhræddur að segja að mér finnst lítið um manninn og kemur það helst til hve honum virðist mikið meira um sig sjálfan en meðbræður sína. Hann uppskar ríkidæmi sitt í einu fátækasta ríki Evrópu og á sama tíma og milljarðarnir renna eins og á færibandi í hirslur hans, veit ég ekki til að hann láti neitt af hendi rakna til sveltandi barna sem einkenna nú veröldina. Perónulega finnst mér græðgi og sýndarmennska einkenna för ríkustu manna landsins. Pínlegt þegar ráðherra einnrar af (ríkustu) þjóðum heims hreykir sér rétt fyrir kosningar af gjöf til sveltandi barna í Afríku. Þrefallt stærri gjöf væri skammlaus. Allir gróðafíklarnir, líka þeir sem gáfu sjálfum sér einn og hálfan milljarð í bónus á árinu auk þess að hækka laun sín en ekki starfsfólks ættu að skammast sín. Ekki hreykja sér á meðan þeir tíma ekki að hjálpa sveltandi fólki í Afríku og víðar til að hjálpa sér sjálft. Aurasálir eiga sína slæmu daga og eins og verið sé að slíta úr þeim hjartað að láta frá sér peninga. Auðvitað er þeim vorkunn að lifa svo innihaldslausu lífi, en með ódýrri sálfræðihjálp gætu þeir mögulega sætt sig við að kosta borun fyrir vatni á verst settu stöðunum og byggt nokkra skóla. Aðalatriðið er að hjálpa fólki til að hjálpa sér sjálft. Svo er það spurning dagsins. Er græðgin góðseminni yfirsterkari.?       

Albert Jensen trésmíðameistari

Sléttuveg 3     11-3-07

 

Heilsuverndarstöðin verði sjúkrahótel

EITT af fullkomnum vandræðaverkum núverandi ríkisstjórnar og R-listans var að selja sérhannaða heilsustöð á besta stað til einkaaðila. Tveimur síðustu heilbrigðisráðherrunum fannst það nauðsynlegt og sá þeirra sem nú starfar telur kostina fleirri en gallana. Menn þurfa að hafa dulræna sálfræðiþekkingu til að skilja slíka speki. Við söluna fór starfsemi heilsugæslunnar á rándýran vergang. Heilsugæslan var um tíma eins og umkomulaus flækingur í konukotum án aðgangs að læknum og viðunandi húsnæði. Þarna vantaði samhæfingu hugar og handa, eins og oft vill verða þar sem margir ráða í skjóli flokka.

Ég hef lengi verið þeirar skoðunar að kjósa ætti um menn og málefni. Ekki flokka. Óhæfir þingmenn komast þá síður áfram og við sætum ekki uppi með svo marga þeirra. Ég hef aldrei verið svo úti að aka, að ég hafi kosið Framsókn eða Sjálfstæðisflokk og sjáanlegt að svo verður, nema elliglöp og veikindi komi til. Þegar ég tala um að kjósa einstaklinga er það samfara málefninu sem þeir standa fyrir. Ekki pólitík. Þau helstu sem vilja hag aldraðra og öryrkja betri og þora til dæmis að berjast gegn ofurgræðgi banka og verslunar eru Jóhanna Sigurðardóttir, Margrét Frímannsdóttir og Ásta R., Svandís Svavarsdóttir og Steingrímur Sigfússon. Magnúsi Þór gef ég plús fyrir að þora að koma málefnum innflytjenda upp á yfirborðið. Sumir hafa snúið því í andhverfu sína og voru framsóknarmenn ötulir við það til að leyna eigin smæð og klúðri. Þótt borgarstjórinn í Reykjavík sé í óvinaliði aldraðra, öryrkja og láglaunastétta er ekki þar með sagt að hann vinni gegn þessu fólki. Svo valdamiklir menn geta farið eigin leiðir og vona ég að hann geri það á jákvæðari hátt fyrir þessa hópa en fyrirrennarar hans. Formáli þessi er undanfari tillögu minnar til eigenda Heilsuverndarstöðvarinnar að þeir nýti sér sérhönnun hússins og geri það að sjúkrahóteli. Þar getur góðviljað og framsýnt fólk, með borgarstjórann í framlínu, sýnt hug sinn til sjúkra, aldraðra og öryrkja í verki. Húsið er friðað og því má engu breyta, en án þeirra yrði það ódrjúgt sem hefðbundið hótel. Sjúkrahótel þýddi að þar mætti vista fólk sem bíður eftir margvíslegum plássum og létta þannig miklu af spítulum. Þar gæti verið aðstaða fyrir Alzheimers-sjúklinga, sem létta mundi mörgum lífið. Hvíldarinnlagnir og langlegur geta verið í sama húsi. Möguleikarnir eru

margir, þar á meðal að viðbyggingin stæði sér vegna friðhelgi hússins og nýtist meðal annars sem venjulegt hótel í fræðilegum tengslum við sjúkrahótelið. Eða þá afmarkaður hluti af því. Allir mundu fara vel út úr þessu, ekki síst eigendurnir. Þetta er í það minnsta athugunar virði.

ALBERT JENSEN

trésmíðameistari,

Sléttuvegi 3, Reykjavík.

Frá Alberti Jensen: